(BERRIA) Bilboko Erriberako etxea okupatu zuten 20 lagunak absolbitu ditu epaileak

Erredakzioa
Bilbo

Bilboko Erribera kaleko 5. zenbakiko eraikina okupatzeagatik, 20 lagun epaitu zituzten urtarrilaren 14an. Bilboko zigor arloko 3. zenbakiko epaitegiak sententzia eman du, eta errugabe jo ditu akusatuak. Epaileak «okupazio desegokia» eta «okupazio deliktiboa» bereizi ditu; Kode Penalaren araberako zigorra ematekotan, okupazioak «deliktiboa» izan behar duela erabaki du, baita 20 lagunek egin zuten okupazioa ez zela halakoa izan ere, etxea hutsik egon delako 15 urtez. Bilboko Okupazio Mugimenduak sententzia aztertu du: «Ez gara gaizkileak, ez dugu sententziarik behar arrazoi dugula jakiteko». Etxebizitza edukitzeko eskubidea eskuratzeko, «okupatzeko beharrean» daudela adierazi dute, eta okupazioa ez kriminalizatzeko eskatu, sententziak dioen bezala, ez delako delitua.

http://www.berria.info/paperekoa/harian/2009-02-08/016/003/Bilboko_Errib...